AYO NDAGEL

AYO NDAGEL

jaréné, sindèn cedak omah iso ndagel

semu isin kurang kendel

wedi sitik kurang piandel

ndredek, cangkem wis mbesesel

arep mangap akal cutel

modal rai kandel

bèn dikiro iso gawe kekel

bèn dikiro mikir wasis lan gunem prigel

kemringet mbrebes tekan wudel

unjal ambegan irung njungkel

tangan adem sikut ngringkel

mentèntèng sol bandel

durung celatu blas mèlèr umbel

sing nonton kupingé pegel

arep nyekakak ora tegel

arep keplok dikiro ngawé pecel

kabèh dadi mèlu mangkel

sindèn plonga-plongo wareg sambel

nyengèngès gawé sebel

mentalé soyo bundel

lambéné soyo mbedel

mbenaké tesmak malah tugel

ndas digaruk ora gatel

rambut diacak mbrodol kumel

gulu kaku keselek janggel

mata ndangak ngétung tègel

mbokdé ndéprok ngelih ngrungkel

bolo dupak arisan nggrundel

mbuh entèk pirang gelas nasgitel

durung ngomong ono sing kekel

diabani paklik kabèh kepingkel

arep mangap mèlu kemekel

lambé obah dudu mungel

liyané gur mèndel

sisané gur kèndel

nyengir jaran wedi dibrèdel

ndodok bareng ati memel

Time: 5/16/2017 7:29:58 PM [HaèN]